M.Dr. Mircəlal Kazimi (PhD)

Təhsil və Peşəkar Fəaliyyət

Dr. Mircəlal Kazimi 1994–2000-ci illərdə Azərbaycan Tibb Universitetinin Tibb fakültəsində təhsil almış və 2000–2001-ci illərdə M. Nağıyev Kliniki Təcili Tibbi Yardım Xəstəxanasında ümumi cərrahiyyə üzrə staj keçmişdir.

2003–2008-ci illərdə Türkiyənin Ege Universiteti Tibb Fakültəsinin Cərrahiyyə və Orqan Nəqli Anabilim Dalında təhsilini davam etdirərək uzmanlıq dərəcəsi əldə etmişdir.

2009–2010-cu illərdə İzmir Kent Xəstəxanasında qaraciyər nəqli proqramı üzrə təlim keçmiş, 2012-ci ildə isə Cənubi Koreyanın Seul şəhərində yerləşən Asan Tibb Mərkəzində hepatobiliar cərrahiyyə və qaraciyər nəqli sahəsində ixtisasartırma kursunu tamamlamışdır.

2008–2018-ci illər arasında dövlət tibb müəssisəsində Endoskopik Cərrahiyyə şöbəsində cərrah kimi çalışmış və qısa müddət sonra həmin müəssisədə Cərrahiyyə və Orqan Nəqli şöbəsini təsis etmişdir.

2018-ci ildən etibarən Mərkəzi Gömrük Hospitalında Cərrahiyyə və Orqan Nəqli şöbəsinin müdiri vəzifəsində çalışır. 2024-cü ildən eyni şöbədə transplantasiya üzrə mütəxəssis kimi fəaliyyətini davam etdirir.

Uğurlar və Nailiyyətlər

• Azərbaycanda ilk uğurlu qaraciyər nəqli əməliyyatını həyata keçirmişdir

• Azərbaycanda uşaqlarda ilk qaraciyər nəqli əməliyyatını icra etmişdir

• Azərbaycanda ilk uşaq böyrək nəqlini reallaşdırmışdır

• Milli transplantasiya komandasının formalaşmasına öncülük etmişdir

• 2020-ci ildə Dövlət Gömrük Komitəsi və Səhiyyə Nazirliyi tərəfindən Fəxri Fərman ilə təltif olunmuşdur

• 2022-ci ildə Azərbaycan Respublikası Dövlət Gömrük Komitəsinin 30 illik yubiley medalı ilə mükafatlandırılmışdır

• İndiyədək 1.000-dən çox orqan nəqli əməliyyatı uğurla icra etmişdir

• Azərbaycanda həyata keçirilən böyrək nəqli əməliyyatlarının təxminən 90%-i Dr. Mircəlal Kazimi tərəfindən aparılmışdır

Tarixi Nəticə: Azərbaycanda İlk Kadavradan Qaraciyər Nəqli

2025-ci ildə Dr. Mircəlal Kaziminin rəhbərlik etdiyi tibb heyəti tərəfindən Azərbaycan səhiyyə tarixində ilk dəfə kadavradan qaraciyər nəqli uğurla həyata keçirilmişdir.

Qaraciyər, 12.10.2002-ci il təvəllüdlü, hepatit B və D viruslarına bağlı qaraciyər sirrozu diaqnozu qoyulmuş və canlı donoru olmayan Şərifova Mənzər Yaşar qızına köçürülmüşdür.

Bu əməliyyat, Azərbaycan transplantasiya tarixində yeni bir mərhələnin başlanğıcı kimi qiymətləndirilir.