Sistem qırmızı qurdeşənəyi (SLE)

Sistem qırmızı qurdeşənəyi (SLE) xroniki, naməlum etiologiyalı, autoimmun xarakterli..

Sistem qırmızı qurdeşənəyi (SLE)

Sistem qırmızı qurdeşənəyi (SLE) xroniki, naməlum etiologiyalı, autoimmun xarakterli, bir çox orqan və sistemi zədələyən birləşdirici toxuma xəstəliyidir. Xəstəlik qadınlarda kişilərə nisbətən daha çox rast gəlinir.

Xəstəliyin əmələ gəlmə səbəbi tam bilinmir. Lakin, risk faktorları arasında aşağıdakıları qeyd etmək olar:

Genetik faktorlar,
Ətraf mühit,
Toksiki-kimyəvi maddələrlə təmasda olmaq,
İnfeksiyalar,
Günəş şüaları,
Bəzi dərman preparatların qəbulu və s.

Simptomları:

Ümumi halsızlıq, yorğunluq
Kəskin arıqlama,
Bədən temperaturunun tez-tez yüksəlməsi
Saç tökülməsi
Günəşə qarşı yüksək həssaslıq
Arterial təzyiqin yüksək olması
Anemiya

Xəstəliyin ən xarakterik simptomu “kəpənək” simptomu, xəstənin yanaqlarında və burunun üst hissəsində qırmızı səpgilərin olmasıdır.

Ağızda ağrısız yaraların olması,
Böyrəklərin zədələnməsi, sidikdə qanın və zülalın olması
Baş ağrıları, yaddaşın pozulması, hallüsinasiyalar və s.

Digər autoimmun xəstəliklərdə olduğu kimi qırmızı qurdeşənəyi xəstəliyi zamanı insanın immun sistemi məlum olmayan səbəblərə görə öz sağlam hüceyrələrini zədələməyə başlayır. Birləşdirici toxuma orqanizmin hər yerində mövcuddur, belə ki, xəstəliyin nəticəsində xəstənin ürəyində, ağ ciyərlərində, beynində, böyrəklərində, oynaqlarında, əzələlərində ciddi zədələnmələr yaranır.

Qırmızı qurdeşənəyi xəstəliyi, vaxtında müəyyən edilərək düzgün müalicə təyin olunarsa, xəstənin sağalması və kəskinləşmələrin qarşısını almaq əlbəttə ki, mümkündür.